'The Life of A Showgirl' a zawn loin kar 12 No.1 ni ta

Billboard 200 album chart tharah Taylor Swift album thar ber 'The Life of a Shoawgirl' chu a zawn loin kar 12 chhung No.1 a ni ta. Swift album hian kar liam ta chhung khan equivalent album unit 81,000 neih belh lehin a kar hmasa aiin 42% in a tlahniam tawh thung.

'The Life of a Showgirl' hi Swift album chhuak tawh zingah album chart a No.1 ni rei ber dawttu a ni a, album thar hian kum 2024 a tihchhuah tawh 'The Tortured Poets Department' kar 17 chhung No.1 lo ni tawh chiah a phak lo a ni.

Pahnihnaah kar 12 chhung a zawn loa No.1 ni thei ve bawk, Morgan Wallen album 'I'm the Problem' chu equivalent album unit 69,000 neiin parukna aṭangin a rawn kaisang thar leh. KPop Demon Hunter 'Soundtrack' pawh 10-na aṭangin pathumnaah a kaisang leh a equivalent album unit 51,000 a neih belh leh thei.

Olivia Dean album thar 'The Art of Loving' chu equivalent album unit 50,000 neiin 14-na aṭangin palinaah a rawn kaisang a; Sabrina Carpenter album 'Man's Best Friend' pawhin equivalent album unit 40,000 neiin Top 5-ah a lang pha ve bawk.