ENC 2026 kalpui dan tur kimchang puan a ni

Khawvelin video games hrang hrang chawilar leh tihhmasawn hna kalpui mek karah, Esports World Cup Foundation chuan kumina neih tur ram leh ram in elna tur Exports Nations Cup(ENC) kalpui dan tur hrang hrang an puang chiang ta. ENC hi kumin November-ah hian Riyadh, Saudi Arabia-ah khuh hawnna atana khelh ṭan tura ruahman a ni.

ENC inelnaah hian ram hrang hrang aiawhte'n title 16 inchuhin kar li chhung inelna an hmachhawn dawn a ni. Inelna awm turte hi team-based leh solo hmanga tihpawlh a ni dawn a, hemi pual hial Chess.com, SNK. leh MOONTON Games-te chu game partner tihfel tawh an ni bawk.

Esports World Cup Foundation chuan inelna hrang hrangah hian national team 24 aṭanga 48 ten intihsiakna hi an hmachawn dawn a, heng zinga a chanvete hian direct invitation an hmu dawn niin an tarlang bawk. Solo tournament kaltlang hian player 32-128 bawr an tel theih rin a ni.