Louis Vuitton ambassador thar Shin Min Ah

Louis Vuitton chuan Korean actress leh model, kum 41 mi Shin Min Ah chu an brand house ambassador thar atan a ruat.

Shin Min Ah hi ambassador atana ruat a nih hma pawhin Louis Vuitton nen hian inzawmna ṭha tak an nei tawh a. Mallorca, Spain leh Seoul-a Louis Vuitton high jewellery collection launch-naah pawh a lo inlan tawh a ni. Nikum khan pasal a nei a, an inneihnia Louis Vuitton LV diamond bengbeh leh Galaxy ṭhi a inbel chuan ngaihven pawh a lo hlawh tawh hle. Tunah chuan official-in house ambassador a nih angin Louis Vuitton tan a inlan thei dawn ta a ni. Shin Min Ah hi television drama - A Love to Kill (2005), My Girlfriend Is a Gumiho (2010), Arang and the Magistrate (2012), Oh My Venus (2015), Tomorrow, With You (2017), Hometown Cha-Cha-Cha (2021), leh Our Blues (2022) aṭangin hriat lar a ni zual a ni. A hman Gucci brand ambassador atan ruat a lo ni tawh bawk.