Ariana Grande-i'n 'Eternal Sunshine' tour neih hun tur puang

American singer leh songwriter, Ariana Grande chuan Pathianni liam taa 31st Critics Choice Awards semnaah Eternal Sunshine Tour neih hun tur a puang. Ariana hian kumin June-ah tour ṭan a nih tur thu sawiin fan-te a rawn surprise a ni.

'The Wicked: For Good' star hian kum ruk hnua tour a neih lehna hmasa ber tur a ni dawn a ni. Ariana hi 31st CCA-ah hian best supporting actress-ah nominee a ni a, hei bakah a film channa hian nomination pasarih ngawt a hmu pha bawk. A tour neih hnuhnung ber Sweetener World Tour kha kum 2019 khan neiin, tuna tour a neih tura a ticket tam zawk pawh hi hralh zawh a ni tawh baawk. Rimawi huanga thawm a la neih len zia a lang chiang hle.