Zootopia 2 in record a siam

Thanksgiving weekend-a tlangzarh, 'Zootopia 2' chuan global box office-ah record siamin, tlangzarh karah khawvel pumah USD mtd 556 a la lut thei. Kumina film tihchhuah zinga tlangzarh kara sum la lut tam ber a ni.

'Zootopia 2' hian North America bikah ni nga chhungin USD mtd 156 a la lut a, international-ah USD mtd 400 a la lut bawk. Kumin chhunga tlangzarh karah sum la lut tam ber a nih bakah, film tihchhuah tawh zinga tlangzarh kara sum la lut tam palina a ni pha bawk.

China lamah pawh a che ṭha hle a, China-a foreign animated film sum la lut tam ber a ni der tawh a, ni ruk chhungin yuan tld 1.95 (USD mtd 275.6) a hmu chhuak tawh a ni.

'Zootopia 2' hian kumin animated movie tihchhuah zinga sum lak luh tam lamah Ne Zha 2 a  pha lo thung. Ne Zha 2 hi Chinese New Year ni hmasa bera tihchhuah kha a ni a, khawvel huapin a hit rem rem hle. A sum lak luh hi USD tld 2.15 a tling a ni.