ADOR-in NewJeans member Danielle contract titawp

South Korean label, All Doors One Room (ADOR) chuan girl group, NewJeans member Danielle chu a contract tihtawp a nih thu an puang. NewJeans group nena contract chungchanga buaina an neih kaihhnawihah Danielle chhungte pakhat leh CEO hlui Min Hee-jin lakah legal action lak a nih tur thu an sawi bawk.

ADOR chuan an buaina neih chungchangah Danielle chu thawhpui chhunzawm zel a harsat avangin a contract hi tihtawp a nih thu sawiin, amah pawh an hriattir tawh. Member dang, Hanni chuan company nena inbiakna an neih hnuah awm chhunzawm zel a tum. Haerin leh Hyein te pawhin ADOR nena thawn chhunzawm zel an tum tih an lo sawi tawh bawk a, Minji chu inbiakna neihpui mek a la ni.

NewJeans hi July 2022 khan debut in, Kpop 4th Generation zinga group ṭha ber zingah chhiar tel a ni ṭhin. An music label ADOR nen hian contract chungchangah hun rei tak buaina an nei a, an inremna siam tihtawp an tum a ni. Mahse, Seoul District Central Court chuan an buaina hi ngaihtuahin, music label hi thiam a chantir a ni.