Billboard 200 : No 1-ah Taylor Swift bawk a awm leh

Taylor Swift album thar ber, 'The Life of a Showgirl' chu Christmas season-ah pawh Billboard 200 album chart tharah No 1 a ni leh a, a zawn loa kar 11 chhung chart chung bera a awmna a ni ta.

Swift hian 1989 (2014-15) leh Fearless (2008-09) te chu album chart-ah kar 11 chhung No 1 a lo nihpui tawh bawk a, kum 2024-ah The Tortured Poets Department chu kar 17 chhung No 1 a nihpui tawh bawk. Soloist zingah album chart-ah che ṭha ber zingah a tel a ni.

'The Life of a Showgirl' hian kar liam ta chhungin equivalent album unit 141,000 a nei a, album sales hi 97,000 tling a, Top Album Sales-ah No 1 a ni mek bawk. Album-a hlate hian on-demand official stream tmd 56.23 hu an nei pha a, mahse a kar hmasa aiin a tlahniam thung.

Christmas chawlhkar-a Billboard 200 chart top 10 zingah holiday album pasarih an lang a, kum 2014 hnua an lan tam ber ṭum a ni. Bing Crosby 'Ultimate Christmas' chu No 2-ah a lang a, equivalent album unit 110,000 a nei. 'Ultimate Christmas' album hi a vawi khatna atan Top Streaming Albums chart-ah No 1 a ni bawk.

Michael Buble 'Chritsmas' album chu No 3 ah awmin, Nat King Cole 'The Christmas Song' leh various artists project 'A Christmas Gif For You From Phil Spector' chu top 5-ah an lang. Top 10-a non-holiday title lang pathum zingah Morgan Wallen 'I'm the Problem' leh KPop Demon Hunters soundtrack te an tel.