A$AP Rocky-a'n album release hun tur tichiang ta

American rapper, singer leh fashion icon ni bawk A$AP Rocky chuan hun rei tak chhung a lo tihkhawtlai tawh a album thar tur ‘Don’t Be Dumb’ tlangzarh hun tur a puang chiang ta. Rihanna pasal, Rocky chuan album thar chu nakkum January 16 khian tihchhuah a nih tur thu IG hmangin a tarlang a ni.

Rocky hian album thar chu variant hrang hrang hmanga tihchhuah a nih tur thu sawiin, Tim Burton a thawhpuina album cover art pawh post-ah hian a tarlang zui nghal bawk. Rocky album tihchhuah hnuhnung ber kha kum sarih liam ta kum 2018 daih tawh kha niin kha album 'TESTING' a hlate kha vawiin ni thleng a hit zuite an la ni hlawm.