'Avengers: Doomsday' ah Chris Evans lang dawn

Avenger film thar ber turah lang tawh lo tura ngaih Captain America role changtu, Chris Evans a rawn lang leh dawn a; mahse, pa a ni tawh dawn. Avengers: Doomsday trailer tihchhuah hmasak berah hian Evans hi rawn langin, Captain America lem a rawn chang leh dawn em tih a chiang lo. Avengers: DoomsDay hi nakkum December 18-ah tlangzarh a ni chauh dawn thung.

Doomsday trailer hi ṭhuang li a tihchhuah tum niin, trailer hi theater-ah chauh tihchhuah a ni rih dawn a; trailer pahnihnaah Thor chanchin thlur bingna tur a ni dawn thung a, December 25-ah theater-ah bawk tihchhuah a ni ang. Trailer 3 hi January 1-ah tihchhuah tum niin Doctor Doom lam thlurbing a ni ve leh ang a, Trailer 4 January 8-a tihchhuah turah erawh film pumpui lam hawi tihlan tum a ni ang. Avenger franchise thar berah hian 'EndGame' hnua Captain America nuna thil thleng tarlan a ni dawn a, hei bakah hian a tagline chuan Dr. Doom lam a hawi vek dawn bawk niin tarlan a ni.