Stray Kids-in concert film tichhuak dawn

South Korean boy band, Stray Kids chuan a vawi khatna atan concert film an tichhuak dawn. He thu hi December 17 khan puangin, an concert film hming tur chu 'Stray Kids : The dominATE Experience' tih a ni a, nakkumah khawvel pum theater-ah an tichhuak dawn tih an sawi.

Film-ah hian SoFi Stadium-a dominATE concert an neih pawh pholan a ni dawn a, live performance mai bakah an band zinkawng, stage-a an che vel leh production an kalpui dan bakah, an band member inkara inzawmna thuk tak awmte leh behind-the-scenes footage pawh a awm bawk ang.

Stray Kids hian dominATE tour an neih hmangin khawvel hmun hrang hrangah an huang an zauh belh nasa hle. An concert film hmasa ber tur hi fan-te tan pawh thil hlu tak tur niin, tlangzarh hun tur leh ticket chungchang pawh an puan thuai beisei a ni.