2026 GBVS Cygames Cup-ah mawng a chem vai 'Ketsu Battler'

Fighting game tournament lian, 2026 Granblue Fantasy Versus: Rising (GBVSR) Cygames Cup, nakkum January 17-18 chhunga Tokyo, Japan-a khelh turah game thar 'Ketsu Battler' a tel thar dawn. Cygames Cup-ah hian a vawi khatna atan Ketsu Battler official tournament hi buatsaih a ni ve dawn a ni.

Ketsu Battler game hi Nintendo siam niin action games hlimawm tak a ni a, a khelh dan pawh hi a dangdai hle. He game kheltute chuan a khelhna Joy-Con chu kekawr mawngah tibetin mawng hmanga control tur a ni. Games-ah hian character hrang hrangte chu an mawng hmanga hmanrua kengin insual tur a ni a, game nuihzathlak leh hlimawm tak a nihna hian ngaihven a hlawh hle bawk.

Event hi GBVSR tana buatsaih bik niin, tournament kaltlang hian game thar Ketsu Battler player thar hmuh chhuah leh game hralhna tihpun chu a tum ber a ni.