HAY (How Are You) chhungkuate tan Advance Chrismass buatsaih

Cod Nerc NGO chuan kum 2016 aṭanga a lo kalpui tawh dinhmun harsate a thawhpuina project, Indamtlang em (How Are You Project) chhungkuate nen Thawhṭanni khan Advance Christmas, Emerald Hotel, Treasury Square-ah an hmanpui. Project dintu I&PR Minister B Lalchhanzova hoin hun nuam tak hman a ni.

Project HAY kaltlanga thawhpui chhungkuate aṭanga kum 15 hnuailam leh kum 70 chunglamte Santa Claus Letter "Christmas present atana an duhzawng ziah" chu sem a ni. Santa Claus letter hi mi tlawmngai leh thilphalte donation an dawn aṭanga leisak an ni.

Tun dinhmunah hian AMC area-ah HAY project hian chhungkaw 250 chuang an enkawl mek a, retheihna avanga tawrhna tihnep chu a tum ber a ni a, ṭanpui ngaite ṭanpui dan dik kalpui a ni bawk. Project HAY kaltlang hian zirlai sponshorship kalpui niin, eizawnna tur kawng dap sak, counselling pek, loan puk thei tura tanpui, Legal Aid pek leh an mamawh dan mil zelin thawh hona hi an kalpui ṭhin.