Threads-in community feature tizau

Meta enkawl social network platform X elpui tura duan, Threads chuan Thawhṭanni khan community feature huang tizauin, topic thar eng emaw zat a dah belh. Platform hian October khan community 100 chuang dah chhuakin, platform hmangtu zinga sport, music leh lehkhabu lam ngainate tana duan a ni. Tuna huang zauhna hian hmangtute chu Reddit leh X a hman tlem tir theih rin a ni bawk.

Platform-a community huang zauh hnuah hian community 200 chuang a awm tawh dawn tihna niin, dah belh tharah hian sport team hrang hrang lam hawite a tel. Hei bakah company chuan community chhungah vek hian 'Flairs' tih chu enchhinna kalpui mek a ni bawk. Flairs hi Reddit lamah chuan a lar tawh hle thung a, hemi hmang hian mahni duhdana siam danglam theih label a awm dawn a ni. Heng bakah Threads chuan community huanga inhnamhnawih tamte tan 'Champion' badge chu mi tlemte hnenah reward anga pek a tum tih a tarlang.