StarLadder Budapest Major 2025-in entu a ngah

Esport huanga game hlun leh thawm nei lian, Counter Strike 2 tourney lian khelhna StarLadder Budapest Major chu December 14 khan Budapest, Hungary-ah final khelh niin entu maktaduai 1.5 nei tling. CS event neih tawha entu tamna a ni pha a; Grand Final hi Team Vitality leh FaZe Clan ten khelin, match hi mi 1,554,419 entu an awm tling bawk.

Kar hmasaa Game Awards sem taka 'Best Esport Team' dawngtu, Team Vitality chu an champion a, kumin chhunga tournament lian vawi kuaah an chakna a ni. Final-ah hian ṭum danga la tih ngai loh, best-of-five hmasa ber chu kalpui niin hetiang kalpui hnua champion hmasa ber chu Vitality hi an ni ta a ni.

Champion team hian USD 1,250,000 an dawng a, kumin event host-tu StarLadder chuan nakkumah pawh StarLadder StarSeries Season 20 event chu September 16 aṭanga 20 thleng an huaihawt leh dawn tih an puang nghal. Event-ah hian team pariat chuan USD 250,000 an inchuh leh dawn bawk.