Kids Album Chart-ah 'Zootopia 2' soundtrack 'Zoo' che ṭha

Ramsa hrang hrang hmanga character siam, 'Zootopia 2' chu tihchhuah a nih aṭangin che ṭha zui zelin, a animation soundtrack chu Billboard Kids Album chart-ah paruknaah a lang. Zootopia 2-ah hian hla lar sa hrang hrang chu sak lar thar leh niin, animation character mil tur taka siam a nih avangin naupang mit pawh an la zual.

Soundtrack album hian hla thar pakhat Ed Sheeran, Blake Slatkin, leh Shakira ziah; Shakira sak ni bawk 'Zoo' tih a nei tel. A original hla, Zoo chu Digital Song Sales chart-ah No. 6 a ni bawk.

Zootopia 2 hian US leh Canada-ah box office aṭangin USD mtd 220 a la lut tling tawh a, prequel kum 2016-a tihchhuah tawh Zootopia pawh kha a che ṭha hle a; Academy Award chu best animated feature hmanga a lo dawn tawh bakah, kum 2016 chhunga film sum la lut hnem zingah a lang pha bawk.