'Manito Club' ah Jennie, Dex, Noh Hong Chul leh Choo Sung Hoon

South Korean girl group BLACKPINK member Jennie bakah Dex, Noh Hong Chul leh Choo Sung Hoon-te chu variety show thar, 'Manito Club' ah an inlan ho dawn tih MyDaily chuan December 12 khan a puang. Show hi Kim Tae Ho production company TEO produce a ni.

He thupuan hi TEO aiawh chuan thudik a nih thu a nemnghet ve tawh bawk. Filming pawh neih ṭan tawh niin, show hi nakkum kumtir lamah tihchhuah tum a ni. Jennie leh Dex-te hi kum kaltaa Kim Tao Ho variety show, 'My Name is Gabriel' tihah an lo inlan dun tawh bawk.