Markiplier horror movie tlangzarh dawn

American YouTuber leh filmmaker, Markiplier chuan a feature film, ama sum senga a siam horror sci-fi movie 'Iron Lung' chu nakkum January hian a tlangzarh dawn.

YouTuber lar Markiplier hi a hming tak chu Mark Fischbach a ni. 'Iron Lung'-ah hian producer, writer, leh director a nih bakah ama sum senga a siam niin, editor a ni bawk a, amah pawh a chang nghal bawk a ni. Film hi 2022 indie horror game, David Szymanski siam 'Iron Lung' behchhana siam a ni.

Markiplier chuan film pek chhuah lam pawh amah thoin a buaipui dawn a, ramchhung hmun hrang hranga independent theatre-te a thawhpui a ni. January 30 leh February 1 inkarah theatre 50-100 a tih chhuah tum a ni.