Nakkumah 'The Boys' video game adaptation

American satirical superhero TV series, 'The Boys' chu comics aṭanga live-action TV leh animation-a siam a nih hnuah, video game adaptation a awm leh dawn ta.

Comics series behchhana siam niin, Amazon kutchhuak 'The Boys' TV series hi Brazilian game studio Arvore chuan stealth-action VR game-ah siamin, Sony Pictures-in a produce a ni. Game hming hi 'The Boys: Trigger Warning' tih a ni a, nakkuma tlangzarh tura ruahman niin, Meta Quest storefront leh PlayStation Store wishlist-ah USD 23.99-in pre-order a siam theih tawh a ni.

'Trigger Warning' hi 'The Boys' TV series siamtu leh, showrunner Eric Kripke thawhdunnaa siam niin, series cast member ṭhenkhat an inlan bawk a; chung zingah chuan Laz Alonso, Colby Minifie, P.J. Byrne, Jensen Ackles-te an tel.