Lily Allen-i'n North America tour neih hun tur puang

English singer-songwriter leh actress, Lily Allen chuan a album kumin October 24-a a tlangzarh, 'West End Girl' pualin nakkum April aṭangin North America tour a nei dawn tih a puang.

Allen chuan album-a a hla zawng zawng a sa dawn tih sawiin, April 3-ah Chicago-ah tour khuh dawn a ni dawn a; April 14-ah New York-ah neih chhunzawmin, April 25-ah Los Angeles-ah niin April 28-ah San Francisco-ah a tawp khar a ni ang. North America-a tour a neih zawhah, May aṭanga June thlaah U.K. leh Ireland-ah show eng emaw zat a nei bawk ang. Allen hi December 13 hian Saturday Night Live-ah musical guest a ni dawn bawk. A album 'West End Girl' Spotify stream chu album tlangzarh a nih aṭanga kar khatnaah a let hnihin a pung a, a catalog dang ngaithlatu thar an pung bawk a ni.