MZI Rimawi Award 2025-ah Zorema'n award pahnih a dawng

Mizo Zaimi Inzawmkhawm (MZI) chuan nizan leh zan hmasa Ningani zan khan Rimawi Award 2025 an sem a, Zorema Khiangte-in award pahnih a dawng.

Rimawi Award sem inkhawm hi LPS Arena-ah buatsaih niin, Puii Pautu-in hneh takin a kaihruai a; December 4, Ningani zan khan gospel hla lamah award sem niin, nizan khan lengzem lam award sem a ni.

Zorema Khiangte chuan award hlu tak pahnih - 'Best Male Artist - Gospel' leh 'Song of the Year - Gospel' a dawng a, award pahnih hûm haw awm chhun a ni. Song of the Year Gospel atan 'Khi vanah khian' tih hla thlan a ni.

'Best Male Artist - Lengzem' chu Youth Icon 2024 Lalsangliana a ni a; Best Female Artist lawmman chu gospel-ah Zoramchhani leh lengzemah Bz-i Tochhawng te hnenah hlan a ni. Mizo Idol 2025-a pakhatna Emmanuel Lalremruata leh pahnihna Vanlalneihpuii te chu Best New Artist (mipa & hmeichhia) atan thlan an ni.

H Vanlalhlana hnenah Lifetime Achievement Award hlan a ni a, naupang zaithiam Esther Hnamte hnenah Special Award hlan a ni bawk.