America mipuiin Black Friday-ah record siam

Adobe Analytics data tihchhuahah kar hmasaa Black Friday hman a nih khan America mipuiten online kaltlanga thil leina atan USD tld 11.8 an hmang ral a, hei bakah hian thil zawrhna website-te chu vawi trillion khat chuang an lut hman bawk. Hei hi record thar a tling.

Kum hmasaah khan Black Friday-ah hian USD tld 10.8 sen ral a lo ni tawh bawk. Kumin Black Friday-a online kaltlanga thil leitute hian zing dar 10 leh chawhnu dar 2 inkarah minute tin USD mtd 12. 5 man hu thil lei anga chhut a ni. Thil hralh chhuah tam zingah hian LEGO set, Pokeman card, gaming console bakah Apple Airpods leh choka lam bungruate an tel.

Hetih laiin India-ah pawh Black Friday leh Cyber Monday inkara sumdawngte inhralhna chu nikum lam aiin 20-25% laiin a pung niin Vijay Sales director chuan a tarlang. India-ah pawh kar hmasa vek khan e-commerce platform hrang hrangah Black Friday sale hi hman a ni ve bawk.