Game Award 2025 nomination a hriat ta

Video Games industry huanga hlawhtlingte hnena chawimawina hlan ṭhin, Game Award 2025 nomination chu Thawhṭanni khan puan a ni. Clair Obscur: Expedtion 33 in nomination hmu tam berin category 12-ah a hmu a; award sem aṭanga nomination hmu tam ber record a siam nghal. Award hi December 11 hian Peacock Theater, Los Angeles-ah sem a ni dawn a, Prime Video-ah a vawi khatna atan live stream tur niin, digital video platform 30 chuangah stream a ni dawn bawk.

Nomination tihchhuahah hian Clair Obscur: Expedition 33 bakah games dang Death Stranding 2: On the Beach, Kojima Productions kut chhuak Donkey Kong Bananza, Nintendo siam Hades II, Supergiant Games; Hollow Knight: Silksong, Team Cherry leh Warhorse Studios kutchhuak Kingdom Come: Deliverance II -te chu a che ṭha zingah an tel pha.

Award nominee te hi fan-te chuan nomination tihchhuah ni aṭangin December 6 thleng authenticated online voting hmangin Game Award site-ah an vote thei dawn bawk. Kuminah Sony Interactive Entertainment chu publisher zinga nomination hmu tam ber niin category 19-ah a hmu a ni.