The Weeknd-in Hurricane tuarte ṭanpuina tur sum pe

Canadian singer leh songwriter, The Weeknd chuan a XO Humanitarian Fund aṭangin Jamaica-a Hurricane Melissa tuartute ṭanpuina USD 350,000 a pe. Sum a pek hmang hian World Food Programme chuan thlipui tuartu mi 200,000 chuang tan puihna a pe thei dawn niin WFP ambassador chuan a sawi.

Chhawmdawl hna thawktu, WFP hian Jaimaica sorkar thawhpuiin mipui ṭanpui ngai 9,000 chuangah ei leh in tur hmangin puihna an lo pe tawh a ni. Heng bakah hian Jamaica, Haiti, leh Cuba-ah te WFP hian mi 240,000 hnenah ei tur a lo sem tawh bawk.

The Weeknd hian ṭanpuina hi a pek vawi khatna a ni bik lo, kum 2020 aṭang tawh khan chhan hrang hrang vanga harsatna tawk, puih mamawhte tan USD mtd 10 chuang a lo pechhuak tawh. Ani bakah Jamaican legend Shaggy pawhin harsatna tawkte chhawmdawlna tur hian hma lo la tawh bawk a ni.