Spotify-in an platform-ah music video tlangzarh dawn

Audio streaming leh media service provider, Spotify chuan kum kaltaa ram pawn lama beta an tlangzarh hnuah, United States leh Canada-a an platform-ah music video en theihna an siam dawn tih an puang.

Spotify thupuangtu chuan an company-in kar leh lamah music video en theiha a siam tur thu a sawi. Platform-ah hian button pakhat hmangin audio leh video-te chu a inthlak thei dawn a ni. He feature hi subscriber zawng zawng tana hman theih turin nge, premium hmangtute tan chauh hman theih a ni dawn tih an la sawi lo thung. Feature thar hi National Music Publishers' Association (NMPA) nen direct-licensing pact an ziah hnuah an puang a ni. Spotify hian tun hnai khan Universal, Warner leh Sony-te nen inremna an lo siam tawh bawk a ni.