'Cry to Heaven' movie-ah Adele chang dawn

English singer-songwriter, Adele chu a vawi khatna atan fashion designer hlui, Tom Ford film siam thar tur 'Cry to Heaven' ah a chang dawn. Adele hi Nicholas Hoult, Aaron Taylor-Johnson, Colin Firth, Paul Bettany leh Adolescence star Owen Cooper-te nen an chang ho dawn a ni.

'Cry to Heaven' hi kum 1982-a Anne Rice novel adaptation niin, kum zabi 18 hunlai anga chan a ni ang. Ford chuan a direct dawn bakah, producer a ni nghal dawn a, film script pawh a ziak bawk dawn a ni. Adele leh a changtu tur dangte hi eng angin nge an inlan dawn tih erawh puanzar a la ni lo. A changtu tur dang zingah Ciarán Hinds, George MacKay, Mark Strong, Hunter Schafer leh Thandiwe Newton-te pawh an tel.