Project ‘Thinlung Chabi' Lalnunpuia Hrahsel Hlate Vol 6 tlangzarh

Lalnunpuia Hrahsel Hlate Vol 6, ‘Thinlung chabi’ chu nizan, November 11, 2025 zan khan Synod Conference Centre-ah Rev. Lalsangbera’n a tlangzarh He album-ah hian hla 10 awmin Mizo gospel artist ṭha tak taken an sa. Hla zawng zawng hi Pu V. Thangzauva Huan, Lawipu ah Live Recording neih a ni. Lalnunpuia Hrahsel Youtube Channel-ah en leh ngaihthlak theiha dah a ni

Album-a hlate hi hla thar vek niin, Lalnunpuia Hrahsel hian tunlai kan ramin a mamawh tur nia a hriat, taksa, rilru, thlarau na mek te tan pan tur Isua a awmzia te, belhtlak Pathian a nihzia te, kan damna Isua anihzia te leh kan damdawi tak tak chu Isua a nihzia te puanchhuahna a nih theih beiseiin heng hlate hi a tichhuak a ni. Mi tam tak tan tisa leh thlarauah malsawmna andawnna hmanrua a nih ngei a beisei hle.

He album-ah hian zaithiam tak tak ten fak hla mawi tak leh nung taka an sak piahlamah a phuahtu Upa Lalnunpuia Hrahsel hian hla ṭhenkhat a phuahchhuah dan ngaihnawm tak tak a sawi. Ngaithlatute,taksa leh rilru naa awm mekte tan Damna Tawngtaina a neite dah tel a ni bawk.