'The Kelly Clarkson Show' ah Yeonjun perform dawn

South Korean boy band TXT member, Yeonjun chuan NBC 'The Kelly Clarkson Show'-ah a solo album hmasa ber, 'NO LABELS: PART 01' title track 'Talk to You' chu November 14 hian a perform dawn.

TXT (TOMORROW X TOGETHER) hi kum 2022 leh 2024 khan he show-ah hian an lo inlan tawh a, lawm pawh an hlawh hle a ni. Tun ṭumah chuan Yeonjun hi amahin a perform dawn a, U.S. talk show-a solo artist anga a vawikhat perform na tur a ni. Yeonjun hi tunhnai khan Korean music show, Music Bank leh Inkigayo-ah a che ṭha hle. November 7 khan a solo mini album hmasa ber, ‘NO LABELS: PART 01’ chu tichhuakin, copy 542,660 a hralh chhuak tawh tih Hanteo Chart chuan a tarlang.