Mizo Idol Emmanuel-a hnenah LBS Suzuki in scooter hlan

LBS Suzuki chuan Inrinni khan Mizo Idol Emmanuel Lalremruata hnenah Suzuki scooter (Burgman) a hlan. Suzuki scooter hlanna hi LBS Suzuki Showroom, Bawngkawn-ah Inrinni chawhma dar 11:30 khan neih a ni a, LBS Group Managing Director, Malsawmtluanga (Tetea) chuan Mizo Idol Season 8 hnenah hian chabi a hlan a, scooter lei ruala sum sen nghal ngai - registration, insuarance leh accessories te an tihsak vek dawn tih a sawi. Scooter hi Mizo Idol lawmmanin a ken tel a ni. Emmnanuel-a hi a hmain a fan-ten an sum thawhkhawm hmanga an lei, bike an lo pe tawh bawk.

Mizo Idol hnena scooter hlannaah hian Zonet TV Pvt. Ltd. Advertisement Manager, T. Laldingliana bakah Mizo Idol top 10 ten an telpui. LBS Group hian Mizo Idol Top 10 te TITAN sana an pe ṭheuh bawk.