Audrey Nuna leh Outschool thawkdun

'KPop Demon Hunters'-a Mira aw thawhtu, Audrey Nuna chu Outschool nen thawk dunin, zirlai naupang kum 6-18 inkar tan music contest an siam dawn. San Francisco-a neih tur online learning platform-ah hian lawmman USD 1,000 an dawng dawn a, Nuna hian master class a pe bawk dawn a ni.

Khawvel pum inelna turah hian ṭhalai leh naupangte chuan an original performance; zai leh lam, instrumental leh musical theater an theh luh a ngai dawn a ni. He inelna hi Outschool-in naupang leh ṭhalai, an thiamna leh theihna tihpun tuma a hma lakna hmasa ber a ni. Outschool CEO Amir Nathoo chuan naupangte zirtirna pek chuan an rilruah tumruhna a thlen ṭhin tih sawiin, Audrey Nuna nena an thawh dunna chuan naupang leh ṭhalaite nasa taka a puih theih a beisei. A tel turte chuan Outschool contest page-ah entry an theh lut thei dawn a ni. He platform-ah hian naupang kum khat aṭanga 18-te chu online class an pe ṭhin a ni.