Andrew Laltlankima leh Lesky Hype-ten hla thar tichhuak

Mizo gospel singer lar, Andrew Laltlankima leh tunlaia Mizo rapper kan neih ṭhat ber pawl, Lesky Hype-te chu NOZOMI film-ah chang dunin, an pahniha an hla siam, Original Sound Track 'Sulhnu' tih chu Nilaini zan khan Andrew-a YouTube channel-ah an tichhuak.

'Sulhnu' hi Andrew Laltlankima leh Lesky Hype-te phuah dun a ni a, music hi Anggu Pachuau kutchhuak a ni. Audio mixing hi Ben Opa leh music video hi Sailo Freddie siam a ni.

LifeWay production buatsaih 'NOZOMI' ah hian Champhai nula, 'Beautiful Day' (Mizo Version) hit puitu Laldinsangi pawh a inlan dawn a, film shooting zawh fel tawh niin, November chawlh kar hnihna tawp lamah tlangzarh tum a ni. Nozomi hi romantic drama a ni a, nun beidawnna kara beiseina pholang thei film a ni.