Megadeth final album-ah Metallica classic 'Ride the Lightning' tel dawn

American thrash metal band, Megadeth chuan an final album track list puangin, track thar 10 bakah bonus track pawh a awm dawn. Bonus track hi Metallica album pahnihna title track, 'Ride The Lightning' version thar a ni dawn a, he hla hi Megadeth dintu leh frontman Dave Mustaine, Metallica lead vocalist James Hetfield, leh bassist Cliff Burton bakah Lars Ulrich ten an phuah ho a ni.

Megadeth hian an final album hi January 23, 2026-ah Mustaine-a Tradecraft label leh Frontiers Label Group-in BLKIIBLK imprint thar an siam nena thawk hoin tihchhuah a ni ang. Mustaine hi Mettalica band member a ni ṭhin a, kum 1981 aṭanga 1983 thleng a tel a, hemi hnuah Megadeth band a din leh a ni. Mustaine chuan kumin August thla khan Megadeth-in album an tichhuak dawn tih a lo puang tawh a, kum 2026-a tour an neih tur pawh band anga an chetchhuahna hnuhnung ber tur a nih thu a sawi.