'Chainsaw Man The Movie: Reze Arc' che ṭha chhunzawm

Korean Box Office-ah Japanese anime TV series, 'Chainsaw Man The Movie: Reze Arc' chuan October 24-26 chhung khan USD mtd 1.6 a lak luh belh leh a, No 1 ah a awm chhunzawm.

Korean Film Council enkawl KOBIS tarlan danin, he film hian September 24-a tihchhuah a nih aṭangin USD mtd 18.9 a la lut tling tawh. Tatsuki Fujimoto manga 'Reze' adaptation a ni a, Tatsuya Yoshihara direct niin, screenplay hi Hiroshi Seko kutchhuak a ni. Japanese psychological horror 'The Exit 8' chuan USD 977,292 la lutin pahnihnaah a lang nghal. Korean film 'Boss' chuan USD 398,660 lak luh belhin pathumnaah a la awm a, a sum lak luh tawh zawng zawng hi USD mtd 15.97 a tling tawh.