EJAE leh WME-in inremna siam

'KPop Demon Hunters' star EJAE leh talent agency, WME (William Morris Endeavor) chuan thawh dunna tur inremna an siam.

EJAE hi 'KPop Demon Hunters' film soundtrack co-writer a ni a, main character Rumi tan a aw a thawh bawk. Movie leh music siamnaah pawh a thawhhlawk hle a, a pawimawh ber zinga mi a ni. He film-a an hla 'Golden' bakah 'How It's Done', 'What It Sounds Like', 'Your Idol' leh 'Hunter's Mantra' te pawh a phuah a ni. EJAE hi K-pop group hmingthang ber berte tan vocal-director a lo nih tawh a, chung zingah chuan Aespa 'Drama' leh 'Armageddon', Red Velvet hla 'Psycho' leh Le Sserafim, Twice, Taeyeon, Nmixx leh Fifty Fifty te an tel. Film music lamah hna thawh chhunzawm zel a tum tih sawiin, 'Spider-Man: Into the Spider-Verse' emaw James Bond Film soundtrack siam a chak thu a sawi bawk.