HBO Max-in User Content-Feedback Rating tlangzarh

HBO Max chuan rating system tlangzarhin, subscriber-te chuan TV show leh movie-ah direct feedback an pe thei tawh dawn. Hemi hmang hian content an en duh zawng awlsam zawkin a chhawpchhuah sak dawn a ni.

HBO Max chuan content-rating system hi tuna Netflix kalpui dan zulzuiin an siam dawn a, karleh Nilaini aṭangin 'Love', 'Like' leh 'Not For Me' button an dah dawn a ni. Warner Bros. Discovery chuan feature thar hi device thlan bik, TV leh mobile-ahte hman theih a ni dawn tih an sawi. Feedback button hi HBO Max content details page-ah leh, user-in movie emaw series emaw an en zawh hnuah tihlan a ni ang.

He thil hi thil thar a ni lo a, kum 2001 khan Netflix chuan an DVD-by-mail service atan five-star rating system an lo siam tawh a ni. Kum 2017 khan streamer chuan five-star rating chu titawpin, thumbs-up/thumbs-down button-in an thlak a, 2022 khan Netflix hian thumbs-up option pahnih an dah belh leh bawk. YouTube pawhin 2005 khan five-star user rating system an lo tichhuak tawh a, 2010-ah like/dislike button-ah an thlak a ni.