Spotify-in Podcast FAST channel hmasa ber tlangzarh

Audio streaming leh media service provider, Spotify chuan FAST channel hmasa ber Samsung TV Plus-ah an tlangzarh a, Bill Simmons 'The Ringer' video podcast tihchhuah a ni.

'The Ringer' hi darkar 24 chhung Samsung TV Plus streaming channel-ah tihchhuah a ni a, podcast video zingah Van Lathan leh Rachel Lindsay-te host; 'Book of Basketball 2.0', 'The Rewatchables, 'The Big Picture,' 'Higher Learning' bakah reality TV star Heidi leh Spencer Pratt-te host 'Speidi’s 16th Minute' pawh an tel. 'The Ringer' top show zingah hian 'The Bill Simmons Podcast' erawh FAST channel-ah hian tihchhuah a la rih lo thung.

Ringer FAST channel hi Samsung TV Plus leh streaming service; Samsung TV, Galaxy, Smart Monitor leh Family Hub device-ahte en theih a ni. Khawvel pumah Samsung TV Plus hian user mtd 88 vel a nei a ni.