Kum 40 hnuah MTV music channel 5 titawp dawn

Rimawi leh ṭhalai culture-a hmun pawimawh tak luahtu, MTV music channel panga chu kum 40 hnuah tihtawp a ni dawn ta. October 12 khan Paramount Global chuan MTV Music, MTV 80s, MTV 90s, Club MTV, leh MTV Live-te chu kumin December 31 aṭangin tihtawp a ni tawh dawn tih an puang.

Heng channel hmang hian fan-te chuan music video, live performance an en ṭhin a; pop culture, fashion leh entertainment-ah hmun pawimawh tak an chang ṭhin. MTV channel chiah a awm tawh dawn a, hetah hian reality show an pe chhuak ṭhin. United Kingdom leh Ireland-ah tihtawp hmasak ber a ni dawn a, hemi hnu hian Europe leh international market-ah tihtawp a ni zui ve leh dawn a ni.