Korea Box Office-ah 'Chainsaw Man The Movie: Reze Arc' cheṭha nghal

Japanese anime television series, 'Chainsaw Man The Movie: Reze Arc' chuan October 10-12 chhungin USD mtd 2.4 a la lut a, Korean Box Office-ah No 1 dinhmun a luah ta. Screen 998 a pek chhuah niin, market share 27.6 a nei pha.

Korean Film Council enkawl KOBIS-in a tarlan danin, September 24-a tihchhuah a nih aṭang khan film hian USD mtd 13.7 a la lut tawh. Tatsuki Fujimoto manga behchhana siam a ni a, Tatsuya Yoshihara chu director a ni.

South Korean film 'Boss' chuan USD mtd 2 lak luh belh lehin pahnihnaah a tlahniam thung a, a sum lak luh tawh zawng zawng chu USD mtd 13.8 a ni. Pathumnaah 'No Other Choice' awmin, USD mtd 1.28 a lak luh belh leh a, a sum hmuh chhuah hi USD 18.1 a tling tawh.