GIG Motors Ṭhazual Gospel-ah J Lalruatsangi 'Hmangaih kan ni' a sang ber

GIG Motors Ṭhazual Gospel chart tharah J Lalruatsangi 'Hmangaih kan ni' chu chart hmasa lama pakuana aṭangin No.1 ah a inhlangkai.

Praise On 2024 intihsiakna aṭangin Zoram mipuiin J. Lalruatsangi zai thiam zia kan hre tawh a, 'Hmangaih kan ni' tih hla pawh hi a sa thiamin ngaihthlak a nuam hle. He hla hi Jonathan Lianhna phuah a ni a, a hla thu a ṭhain sermon ṭha tak a tling. Audio hi HC Recordings-ah tih niin, music hi JH Peka kutchhuak a ni.

Chart hmasaa pathumna, Maruati Hnamte 'Rinngam Lalpa' (6:11 ost) chu pahnihnaah a kaisang bawk a, he hla hi C Lalzarmawia phuah a ni a, music hi Muanpuia kutchhuak niin, audio mixing hi Lalthlamuana (Mama) siam a ni. Music video hi M_SPACE production kutchhuak a ni.

Melody Lalzirliani 'Zinkawng ṭha ber Isua nen' chu pathumnaah awm in One in Christ 'Ka hmangaih zual zel ang' leh Cindy Lalthanpuii 'A awm e' te chu top 5-ah an lang bawk.