Lehkhabu bawm: Thinlung Thangkhawk (The Soliloguy) tlangzarh a ni

Tunlai thuziaktute zinga a kuthnu kan hmuh tam pawl, Mahmuaka Chhakchhuak lehkhabu palina 'Thinlung Thangkhawk (The Soliloguy)' chu Ningani khan Vanapa Hall-ah home minister K. Sapdanga chuan a tlangzarh. Lehkhabu tlangzarh naah hian lehkhabu dang 15, mi dang ziah nen tlangzarh a ni.

'Thinlung Thangkhawk' lehkhabuah hian thuziak beng tivar tak tak tur 25 dah khawm a ni a, mitin chhiar theih tura tih niin - nupa nun, nula tana thurawn, ram veina lam hawi bakah mimal tan pawha ṭangkaipui theih tur hrang hrang a awm a ni. Lehkhabu hi Rs 200-in lehkhabu dawr hrang hrangah lei theih a ni ang.

Mahmuaka Chhakchhuak hian lehkhabu pathum a lo tichhuak tawh a, chhiar manhla tak takte an ni hlawm. A lehkhabu thar pawh hi chhiartute tana ngaihtuah zui tur chi leh hlawkna thlen thei ngei tur chi a ni.