MLBB M7 World championship leh realme thawk dun dawn

Esports huanga thawm nei lian leh hlut hlawh, Mobile Legend: Bang Bang (MLBB) chuan season ending tournament 'M7 World Championship' nakkuma neih turah Chinese smartphone, realme chu official phone atan an thawhpui dawn. Inremna an siamah hian realme 15 Pro chu official gaming phone atan ruahman a ni.

Thawh dunna tur hi Azalia Hall, Jakarta, Indonesia-a press conference-ah puan a ni a, mobile esports ecosystem tihchakna atana duan a nih thu official chuan an tarlang. realme 15 Pro hi Snapdragon 7 Gen4 chipset hmang niin AI-powered gaming coach in-game data aṭanga zirchiang thei awmin suggestion leh tips phone hmangtute tan a pe thei bawk a ni.

MLBB M7 World Championship hi nakkum 2026 January 3 aṭanga khelh ṭan tur a ni a, knockout stage hi January 18-24 thleng niin Grand Finale hi January 25-ah neih a ni ang. MLBB season 38-ah hian rank push awlsam theihna turin hero hrang hrang tarlangin, Gold Lane – Melissa leh Granger, EXP Lane – Arlott leh Phoveus, Jungle – Yi Sun-shin leh Lancelot, Roam Lane – Floryn leh Grock, Mid Lane – Zhuxin leh Kimmy-te an ni dawn niin Duncan Proctor chuan a tarlang.