Elon Musk-a'n boycott call kalpui hnuah Netflix hlutna USD tld 15 in tlahniam

Netflix-a animated series ,'Dead End: Paranormal Park' leh he show creator Hamish Steele-a'n Charlie Kirk chungchang a sawi dan avangin mi tam tak an thinur a, Netflix subscription an titawp. Subscription titawp zingah Elon Musk pawh a tel a, midangte pawh titawp turin a sawm zui bawk. Musk-a'n boycott call a kalpui hnu hian Netflix hlutna hi USD tld 15 velin a tlakhniam phah tawh.

Steele hian US-a conservative activist Charlie Kirk kah hlum a nih chungchanga UK PM Kier Starmer-a'n a ui thu a sawi chu na taka chhangin, Kirk chu 'Nazi' tiin a sawi zui a ni. Hei hian mi tam tak a tithinur hle. Hei vang hian Netflix-a a show, kum 2023-a tawp tawh, ' Dead End: Paranormal Park' sawi chhuah leh a ni a, he show hi transgender chungchang a ni a, naupang rilruah transgender woke culture tuh tuma puh a ni zui a ni. Musk hian nu leh pate chu an fate tana ṭha tur leh venhimna tur ngaihtuah a, Netflix subscription titawp tur hian a sawm a ni.