Zanin aṭangin 'Keimi 2' en theih dawn

Mihring 600 chuang inhnamhnawihna leh Mizo film zinga buaipui hautak leh rei ber zinga mi, 'Keimi 2' chu zanin dar 6 aṭangin Lersia App-ah a en theih dawn ta.

He film-ah hian Mizo film-a a hmasa ber atan CGI hmanga siam sakei leh effect chi hrang hrang hmuh tur a awm. Mizo zinga VFX/CGI artist kan neih ṭhat ber ber RL Pachuau, Zodinpuia, John Paul, Stewart Khiangte, TML Production bakah Rinchhana leh Christo Pa Entertainment te kutchhuak hmuh tur a awm bawk a ni.

'Keimi 2' hi kum khat leh thla li chuang hret buaipui nan hun hman a ni a, mihring pawh mi 731 vel zet an inhnamhnawih. Director Christo Pa chuan hnama min dintute chanchin hi khawvel huapa pho chhuah a chak thu leh, Mizo chu tute nge kan nih tih hi khawvel hriata tarlan theih chu a chak ber a nih thu sawiin, Mizo Film industry hmasawnna atan risk sang tak a lak thu a sawi. "Theihtawp chhuah ila, a bak chu Pathian kuta innghah a ni tawh mai," a ti.

Mesa Varte, Zohmingliana, Zonunpuii, Zairempuia JB Khupchawng, Nitea Ralte , Lawma Ralte, Lalchawiliana, Denic Lalruattluanga, Lalnunpuii Hrangchal te bakah mi ṭhahnem tak he film ah hian an inlan a ni.