‘Youth With You’-ah Lisa dance mentor ni leh dawn

Chinese girl group reality talent search 'Youth With You'-ah Blackpink member Lisa chu dance mentor a ni leh dawn niin ‘Youth With You’ twitter account chuan an tarlang.

Youth With You hian kar hmasa lamah khan hemi chungchang hi tarlangin Blinks lam pawh an phur tawh hle. "Kum 2021-ah hian kan dance mentor Lisa chevel kan hmuh chhunzawm leh dawn. A ruala lam in inring tawh em?" tiin an social media account-ah hian an tarlang a ni.

Lisa, a hming tak Lalisa Manoban hi China-ah hian a lar hle a, Youth With You' season hnihnaah Cai Xukun, singer Ella Chen, leh rapper Jony J-te kiangah mentor niin a inlan a, hemi hnu phei hi chuan China-ah hian a tlana lehzual hle niin Malaymail chuan an sawi.

Kum 23 mi Lisa-in lam a zirtir lai video nikum lama YouTube-a an dah chhuah ringawt pawh mi makataduai 34 chuangin an thlir thei a ni. Lisa hi a buai dawn hle niin a lang a, YG Entertainment lamin a solo album hmasa ber a tichhuak dawn tih an lo puang tawh bawk nen, kumin chu hunawl a nei lo lehzual dawn a nih hmel.

January 31 hian December thlaa neih an tum, South Korea lama hri a len tak avanga an sawn tak YouTube livestream concert kha Blackpink hian an nei dawn bawk a, tin, Soft drinks giant Pepsi chuan Blackpink hi Asia Pacific-a an brand ambassador ni turin tunhnai lawk khan inremna an lo ziahpui ve bawk a ni.