Boyzone-in 'final farewell' concert nei dawn

Irish boy band, kum 1993-a din Boyzone chuan nakkum hian London Emirates Stadium-ah 'final farewell' concert, 'One For The Road' tih chu Arsenal football ground-ah June 6, 2026 ah an nei dawn tih an puang.

Frontman Ronan Keating chuan stadium gig chu an music career-a a hmasa ber leh lian ber tur a nih thu sawiin, kum 2019-a London Palladium-a zan nga chhung an perform hnua band anga an chet chhuah lehna hmasa ber tur a ni. Keating chuan hla thar siam an tum loh thu leh, inzawm khawm leh tumna an nei lo tih a sawi bawk. Brit Award lo dawng tawh, Boyzone chuan concert-ah hian an hla hit sak vek an tum a, an ṭhianṭhate pawh an tel dawn nia sawi a ni. Concert hi band anga an chet chhuahna hnuhnung ber tur a ni.