Apple Music Super Bowl Halftime Show-ah Bad Bunny

Puerto Rican rapper leh singer Bad Bunny chu Apple Music Super Bowl LX Halftime Show, February 8, 2026-a Levi Stadium, Santa Clara, CA-a neih turah a perform dawn. Bunny hi Super Bowl stage-a a vawi hnih inlanna tur niin, kum 2020 khan Shakira leh Jennifer Lopez perform ṭumin guest angin a lo inlan tawh a ni.

Bad Bunny hian he thu puan a nih hma hian United States-ah show nei tura a inbuatsaih thu X-ah a lo sawi tawh a, a team-te nen sawi hona an neih hnuah a perform ngei dawn tih a sawi chiang ta a ni. Bunny hian a album, 'Debí Tirar Más Fotos' world tour chu kumin December 5-ah Costa Rica-ah a khuh hawng dawn bawk a, Mexico, Spain leh England-ahte neih chhunzawmin, nakkum July 17-18 hian Italy-ah a tawp khar a ni ang.