j-hope feature film tlangzarh dawn

South Korean boy band lar BTS member, j-hope feature film 'HOPE ON THE STAGE’ THE MOVIE' chu kumin November thla hian khawvel hmun hrang hranga cinema-ah a tlangzarh dawn tih Billboard chuan a puang.

Film hi IMAX leh khawvel hmun hrang hranga theatre-ah November 12 leh 15 hian tih chhuah a ni dawn a, June thlaa Goyang Stadium-a 'HOPE ON THE STAGE FINAL' encore concert a neih pawh a en theih dawn a ni. j-hope solo hit performance bakah Jin, Jungkook, leh Crush-ten surprise performance an neihna a tel dawn bawk a, BTS hla hit 'MIC Drop,' 'Silver Spoon,' leh 'Dis-ease' solo version pawh a tel dawn. Film hi tlangzarh a nih hmain November 3-ah khawvel hmun hrang hrangah 'HOPE ON THE STAGE’ THE MOVIE' exclusive IMAX preview a awm ang.