Billboard 200: Cardi B album 'AM I THE DRAMA?' a hit nghal

American rapper Cardi B chuan kum sarih hnua album a tihchhuah, 'Am I The Drama?' chu Billboard 200-ah No 1 a nihpui nghal. Tlangzarh karah official stream mtd 146 a nei thei nghal a ni. Bilboard 200-a No.1 ni thei album pahnih a neihna a ni bawk.

'Am I The Drama?' hian kar hmasa chhungin variant hrang hrang leh online streaming kaltlanga hralh chhuahna aṭangin equivalent album unit 200,000 a nei pha. Hla 23 awmin variant hrang hranga lei theih a nihna hian hralh chhuah kawngah a pui hle a ni.

Pahnihnaah KPop Demon Hunters 'soundtrack' chu a la awm chhunzawm a, equivalent album unit 104,000 neih belh lehin a kar hmasa aiin 7%-in a tlahniam tawh thung. Pathumnaah a zawn loa kar 13 chhung No 1 ni thei, Morgan Wallen 'I'm the Problem' chu equivalent album unit 90,000 neiin a la awm bawk.

Sabrina Carpenter album thar ber No.1 pawh lo ni tawh 'Man's Best Friend' chu equivalent album unit 69,000 neiin palinaah a awm a, Nine Inch Nails chu kum 10 hnuah a vawi khatna turin TRON:Ares film-a an hla(soundtrack) an hman vangin Top 5-ah an rawn lang thar bawk a ni.