A role tihnep vangin Deepika Padukone-in 'Kalki 2' chhuahsan

Indian film chhuak tawh zinga budget sanna ber nia sawi, 2024-a tihchhuah 'Kalki 2898 AD' chhunzawmna tur, 'Kalki 2' siam leh a ni dawn. 'Kalki 2898 AD' a Sumathi aka SUM-80 lema chang, Deepika Padukone chuan 'Kalki 2' ah a role tihnep a nih avangin a chhuahsan nia sawi a ni.

Film production house, Vyjayanthi Movies chuan 'Kalki 2' atan Deepika nen hian thawh dun dan turah inremna an siam thei lo a, a tel chhunzawm tawh dawn lo tih an sawi. Report ṭhenkhat chuan Deepika hian a hlawh tihsan a phut bakah, a hnathawh hun bi tur pawh tihtlem sak turin a phut niin an tarlang. A tirah chuan 'Kalki 2' hi Deepika character thlurbingna tura tih ni mah se, film siamtute hian tidanglamin a role hi an tinep leh ta zawk nia sawi a awm bawk.