Disney-in digital comics platform tlangzarh dawn

Disney chuan Webtoon Entertainment nen thawk dunin, Disney portfolio hrang hrang aṭanga kum sawm kalta chhunga title 35,000 chuang tihchhuah chu he platform-ah hian dah a ni dawn a ni. Company chuan service thar tlangzarh hun tur hi an la puang lo thung.

Disney service-ah hian Marvel, Star Wars, Disney, Pixar leh 20th Century Studios comics a tel dawn a, a vawi khatna atan digital comics service pakhatah subscription pakhat neiin a awm dawn a ni. Service-ah hian Webtoon original story thlan bikte pawh dah tel a ni ang. Digital comics platform hi Webtoon Entertainment-in a siam dawn bakah a enkawl nghal dawn a ni. Webtoon Entertainment dintu, Junkoo Kim chuan platform thar hmang hian khawvel puma fan-ten an character leh thawnthu an hriat duhzawngte chipchiar zawkin an hre thei tawh dawn tih a sawi.