Dota 2 TI 14 champion 'Team Falcon'

Esports huanga game ngaihven hlawh zinga mi, Dota 2 The International 2025 chu zawhfel a ni ta a, TI 14 edition-ah Team Falcon chuan grand finale-ah Xtreme Gaming hnehin TI 14 champion an ni. In elna hi Barclays Arena, Hamburg, Germany-ah neih niin champion team hian Aegis of Champion shield leh pawisa USD mtd 1.15 (Rs. 10,12,82,589.90) an dawng tel bawk.

Team Falcon hian grand finale-ah Xtreme Gaming hi 3-2 in an hneh. Team invite hi pariat an ni a, an zingah hian Team Spirit, PARAVISION, leh Team Liquid pawh an tel. Playoff-ah hian Team Spirit chu hnehin nikum TI Champion Team Spirit hnehtu Tundra Esports chu quarter final-ah 2-0 in an hneh a, semi final-ah hian BB Team chu 2-1 in an hneh leh. Team Falcon hian TI 14 bakah Germany-a neih tho FISSURE universe Episode 6 ah Team Spirit chu grand finale-ah 3-0 in an hneh bawk. Esports World Cup, Riyadh a neih zawh takah khan Dota 2 in elnaah runners-up an ni tawh bawk a ni.